Desira izoztuak

Nahiak mugiarazten gaitu, zerbait lortzeko desirak, gure baitan txinparta bat piztu duen huraxe eskuratzeko irrikak. Hamaika ahalegin egingo ditugu kutixia hori gauzatzeko, grina horrexen menpe jarriz geure etorkizuna, geure zoriona. Eta hala ere, tentazio zitzaiguna erdietsitakoan, itzali egin ohi zaigu lehengo sentipen bizi hura, puxika bat husten den bezala, haurrak bere panpina abandonatzen du...